Mis persönlichi Hingabegebet

Min liebevolle, barmherzige Papi
Du hesch mir s’Läbä gschenkt und entschiede, dass i läbä, au wenn i mi mängsmol schwär demit tue. I schenk der mis Läbä zrugg. Mach Du us dem das, wo Du für mi möchtsch. Führ mi det ane, wo du mi bruche chasch.
Nimm du mir alles wo mi vor dir trennt:
– all mini Verletzige
– all mini Zwiifel
– all mini Ängscht
– all mini Blindheit
– all mini Taubheit
– all mini Schuld
– all mini Truurigkeit, wo mi chraft- und muetlos macht
– all mini Feigheit
– all min Egoismus
eifach all mini Abhängigkeite und schenk Du mir alles, wo i bruche, um zu dir z’cho:
– Geduld
– Muet
– es wiit offes Herz
– Selbstlosigkeit, dass i mi selber nid so wichtig nimm
– Usduur, demit i es JO zum Läbä bhalte chann
– Isicht, so dass i mini Fehler bereue und immer wieder neu zu Dir umchere
– di nötig Ufmerksamkeit, so dass i Din Weg für erkenne
– Tatchraft, so dass i handle
Gib mir eifach alles was i bruche, so dass Din Wille gscheh chann.
I wünsch mer so sehr Dini Stimm z’ghöre, Dini Gegewart z’erfahre, Di immer meh kennez’lerne, Dini Liäbi i mir z’trägä, mis Läbä noch Dir usz’richte, mit Dir dur s’Läbä z’goh und Dir treu z’si. ABER nid mini Wünsch sölled schlussendlich in Erfüllig goh. Drum mach Du mit mir das was Du möchtsch. I möcht Dir folge, wo immer Du mis Läbä hifürsch. Ohni Dich chann i nüt tue! Chumm und wohn i mir. I vertraue uch Dich!
Amen