Studium :)

Min liäbevolle, barmhärzige Papi
Danke für die viele Lüüt, wo mis Gebätsaliege bzgl. em Theologiestudium mittreit hend.
Danke, dass i nüm jedi Sekunde über di us minere Sicht negative Konsequenze nodenkt han.
Danke, dass mer min geistliche Begleiter gnueg Freiheit loh het, dass i selber han chönne entscheide, aber mi doch nid elei glo het.
Danke, dass mer mini Therapeutin scho wo mer üs s’erscht mol gseh hend d’Frog gstellt het: „Wieso studiered sie nöd Theologie?“
Danke, dass mi die Frog nid losloh het.
Danke für de usführliche Überblick, wo mer en ehemolige Student geh het.
Danke au für die Ziit, wo sich verschiedeni Lüüt für mini Froge gno hend.
Danke, dass i jetzt e Entscheidig han chönne fälle. (I will s Studium mache.) Äs schiint mer für mich wichtig z’si, dass i e Entscheidig gfällt han.

Wenns würkli din Wille isch, dass i es Studium mache, hilf mir e passendi Arbetsstell und e passendi Wohnglegeheit z’finde und au alli Hindernis und Useforderige, wo sich mir no in Weg stelled z’meistere.
I vertaue druf, dass du mi det hi führsch, wo du mi bruuche chasch!

Amen