Suche nach einem Sinn

Min liäbä, barmhärzige Papi
Mini Suechi noch emene Sinn i mim Läbä goht wiiter… I kämpfe tagtäglich drum mis Läbä nid z’beende. Es isch en riise Kampf für mi! Anstatt dass i dankbar bi für da, wo i han, beniid i sogar Lüüt, wo tagtäglich um Esse kämpfed… so chrank… I weiss nid, wie i positiv chann i d’Zuekunft luege. I weiss nid, wie i de Sinn vo mim Läbä finde chann. I weiss nid we lang i de Kampf um mis Läbä no kämpfe chann/mag… I bi so gfange i mir und mine Unzuelänglichkeite…
Min liäbä, barmherzige Papi
Schenk mer jede Tag gnueg Chraft, dass i mis Läbä nid beende und demit Lüüt wo mer öpis bedüütet und mir helfed enttüsche.
Schenk mer Chraft fürs Studium und de demit verbundni Neuafang a emene neue Ort.
Schenk mer Chraft, dass i d’Useforderige vom Alltag meistere chann.
Schenk mer Zueversicht fürs Studium und d’Arbetssuechi.
Schenk mer Geduld und Usduur, demit i de Sinn vo mim Läbä entdecke chann.
Schenk mer d’Erkenntnis was de Sinn vo mim Läbä isch.
Schenk mer Geduld mit mine Mitmensche.
Schenk mer e dickeri Huut, demit i ungerechtfertigi Kritik a mir chann abpralle loh und nid persönlich nimm.
Schenk mer Zfriedeheit.
Schenk mer d’Erkenntnis, dass du immer bi mir bisch und mi nid im Stich losch.
Min liäbä, barmhärzige Papi i bruch di so sehr! I han ka Chraft meh. I han s’Gfühl, dass i mi nümme lang devo abhalte chann s’Boot nid z’verloh… Schick mer din heilige Geist, wo mi chann tröschte i minere Verzwiiflig.
Danke, dass i i mir inne immer no d’Hoffnig han, dass du mir hälfä chasch!
Amen