Vorstelligsgspröch

Liebi Gebetsgmeinschaft bitte unterstützed mi mit eurem Gebät.
Min liebevolle, barmherzige Gott
Nöchscht Mäntig 13. November han i es Vorstelligsgspröch für e Stell, wo i s’Gfühl han die würd super passe. Lieb Gott du weisch, dass es für mi ziemlich wichtig isch, dass i mis Studium selber aktiv mitfinanziere chann. Die Stell wär im Bereich, wo i au mis Studium mach. De erscht Idruck wo i per Mail und Telefongspröch han dörfe becho isch super. Bitte hilf mir, falls du möchscht, dass i die Stell bechum, dass i ruhig a d’Sach anegang, mit mine Stärke cha punkte und die mir gegenübersitzende vo mine Qualitäte chan überzüge. Wenn das nid die Stell isch, wo du für mi wetsch zeig mer bitte wo i mi bewerbe söll. Ich weiss du weisch scho was gut für mi isch, doch i vergiss es leider immer wieder. I vertraue uf di!
Amen