Sehnsucht noch Heilig

Sehnsucht noch Heilig

Min Jesus
Du kennsch mini Dunkelheit i mir drin. Du kennsch mini Schwäche und Fehler. Du weisch um mini Zerbrocheheit. Du weisch um mini Depression. Du bisch vertraut mit minere Suizidalität. Du bisch vertraut mit minere Unzfriedeheit mit mir, wo a Selbsthass grenzt…

Du weisch aber au um mini gross Sehnsucht noch dir. Du kennsch mini Sehnsucht noch heilig.

Ich bitte dich für mich und alli andere, wo mit ähnliche Problem kämpfäd:
Loh du üs nid elei.
Zeig du üs immer wieder dini Liebi.
Schenk üs Zueversicht.
Gib du üs Chraft um fürs Läbä z‘kämpfä.
Schenk üs heilig.
Schenk üs es Liecht, wo nie verlöscht.
Stell du üs Lüüt a d‘Siite, segeds Seelsorger, Psychotherapeute, Psychiater oder Fründe, wo üs und üsri Problem ernst nämed.
Bitte stärk au üsi Vertrauenspersone, denn die leischtet en unghüri Arbet und zumindest mini Dankbarkeit cha nie so gross sie, we sie sie verdient hetet…
Hilf, dass mir üs so aneh chönnd, we du üs gschaffe hesch.
Loh mis Härz begriefe, dass i es Königskind bi und vo dir gliebt wird.

Danke, dass i immer vor di cho dörf und dir mini Sorge, Ängst, alles Negative und Positive avertraue dörf! Ich möcht sägä i liebe dich… doch da glingt mir nonig zums mit ganzem Härzä z‘sägä…

Amen


Hinterlassen Sie einen Kommentar