Neui Lösig i de Psychiaterfrog
Guätä Gott
I bi sit es paar Johr i psychologischer Behandlig. Bi de Psychotherapeutin fühl i mi sowiit ganz guet ufghobe. Leider bruch i zur Unterstützig aber au Medikament und demit d’Chrankekasse zahlt au immer wieder en Briicht. Defür mues i leider immer wieder au zu erere Ärztin oder emene Arzt und do lieht s’Problem… Vo de erste Ärztin han i mi überhaupt nid verstande gfühlt, au wenn sie de Meinig gsi isch, dass sie mi verstoht. Au han i mi nid ernst gno gfühlt, da sie während mim Termin Telefon abgnoh het, Lüüt a ihres Zimmer klopft hend sie sie ieloh oder mit ihne unter de Tür gredt hed… Au het sie mol no d’Chefärztin bizoge und noch sebem Termin isch min Wunsch devo z’laufe und mi umzbringe am gröschte gsi… I bi mega froh gsi, wo mer e neui Lösig gfunde gha hend. Bi sebere Ärztin han i mi relativ guet ufghobe gfühlt. Leider het die scho churz druf wieder gkünd und es het wieder e neui Lösig brucht. I bi zu emene Arzt cho und i ha mini Termin bi ihm ufs Minimum beschränke chönne und es isch au einigermasse erträglich gsi. Doch au de isch jetzt nüme det, so dass es wieder e neui Lösig bruucht. Leider sind di einizige Optione zrugg zu de 1. Ärztin, wo sich anscheinend immer wieder noch mir erkundigt oder denn zu de Chefärztin. Beides sind für mich unmöglichi Optione. I bi ziemlich verzwiiflet… Leider verstoht au mini Therapeutin mini Abneigig gege die 1. Ärztin nid. Sie finded sie super…
I bitte di:
– hilf mir die richtig Arztperson z’finde.
– Hilf mir mich richtig z’entscheide.
– Hilf mir mich mit de Situation anzfründe.
– Hilf mer mich nid total z’verschlüsse, denn i will mis Muul bi emene Arztermin bi einere vo dene Ärztinne nid ufmache…
– Hilf mer mich nid total quer z’stelle
I weiss, dass i unmöglich bin, doch i loh nid alles mit mir mache und für mi isch es mega wichtig, da i eh scho e Arztphobie han, dass i vertraue zu dere Person ha. Da isch aber bi beidne überhaupt nid de Fall. Am liebste würd i alles hieschmeisse und halt de letzt Usweg wähle, doch da dörf i nid, da i mit Gott, mim geistliche Begleiter und minere Therapeutin en Vertrag ha, dass i da nid mache……..
Bitte hilf mir de richtig Wäg für mi z’finde, so dass i mer nid immer selber im Wäg stoh…
Härzliche Dank fürs mitbätä!