Higobgebet zur Tauf- und Firmerneuerig

Min liebävolle, barmherzige Papi
Du hesch mir s’Läbä gschenkt und entschiede, dass i läbä. Du hesch demit scho JO zu mir gseit bevor i de erscht Atemzug gmacht han. Hüt erneure i mini Taufi und mini Firmig und demit au mis Jo zu dir. Du weisch, dass mir min Läbäsweg nid eifach fallt und dass i viel um mis Läbä kämpfä. I übergib dir drum vo neuem mis Läbä und alles was i ha und was i bi. I möchte dir vertraue, dass du mis Läbä det hi führsch, wo du mi bruche chasch. Wie d’Edith Stein möchte i sägä «Lass überseh’n mich ganz mein kleines Ich, dass ich, mir selber tot, nur leb’ für dich.» Du Herr weisch, i wünsch mer so sehr dini Stimm z’ghöre, dini Gegewart z’erfahre, dini Liäbi i mir z’träge, mis Läbä noch Dir usz’richte, mit dir durs Läbä z’goh und dir treu z’si. ABER nid mini Wünsch sölled schlussendlich in Erfüllig goh. Drum mach Du mit mir was du möchtsch. I möchte dir folge, wo immer Du mis Läbä hereführsch, denn ohni dich chann i nüt tue… Güss din heilige Geist us und schenk du mir wenns din Wille isch es neus reins Härz.
Amen.