Neui Medikamente

Guätä Gott
Mini Leberwert sind bim letschte Bluetuntersuech nid guet gsi und i ha en Vitamin D (Sunne) und Eisenmangel. Leider chönnd die Mängel mini Depression no verstärke… was i gar nid bruche chann.
Jetzt wird min ganze Medikamenteplan umgstellt… Da isch einersiits super, wenn i nur nid immer zu de Ärzt müesst, doch andersiits chunnt so au wieder öpis unbekannts uf mi zue. I ha würkli Angst devor, dass i mit de Nebewürkige vo de Neue Medikament nid klar chumm…
Bitte guetä Gott begleit mi bi dere Medikamente Umstellig, loh mi gspüre, öb sie nützed und es mir besser goht.
Hilf mer mini Angst vo de Ärzt z’überwinde.
Begleit mi bitte au bsunders nöchscht Wuuche, wo i e Wuuche Ferie han. I freu mi mega uf die Ziit im Dienst i emene Chloschter.
Amen