De Erneuerti Läbäsvertrag

Liäbi Gebetsgmeinschaft, bitte helfed mir bim bätä, dass i de Läbäsvertrag halte chann. De z’schriebe und vor allem z‘unterschriebe isch mer sehr, sehr schwer gfalle. (I ha eigentlich nid wele, da i so Angst han ihn z‘breche…)

Min liäbävolle, barmhärzige Papi
Das was es im wundervolle Liedtext „Diese Gnade“ heisst, möcht i so gern us vollem Härzä singe, aber we du jo au weisch bin ich i minere persönliche Wohrnemid no wiit devo weg… En Schritt i die Richtig isch für mi d‘Erneuerig vo mim Läbänsvertrag:

Min liäbävolle, barmhärzige Papi
I versprich der mis Läbä bis am 10. November 2019 nid sälbär z‘beende wil:
– i da mine super Vertrauenspersone nid atue möcht und es ihne au versproche han.
– i mit mim Studium und mim Arbetswunsch es Ziil / en Traum ha, wo i unbedingt erreiche möcht und sa nid cha, wenn i en Schlussstrich zieh.
– i dich min Liäbävolle, barmhärzige Papi nid enttüüsche möcht i dem is Gschenk vom Läbä, wo du mir gschenkt hesch wegwörfe.

Min liäbävolle, barmhärzige Papi
Du weisch, dass i da Verspreche nid us eigener Chraft geh chann und scho gar nid halte chann, bitte
– unterstütz und träg du mi.
– Schenk du mir d‘Möglichkeit gsund z‘wärdä.
– Führ du mich uf mim Läbäswäg.
– Hilf mir ganz uf di z‘Vertraue, as Positivi z’denke und z‘dankä.
ICH BRUCHE DICH!!!