Uf und Ab… I mag nümm…

Min liäbävolle, barmhärzige Papi
Du weisch, dass i unterdesse au immer wieder körperlich agschlage bin. Jetzt grad sit guet emene Monet. I mag eifach überhaupt nid, cha mi chum konzentriere, ha abwechslugswiis immer wieder chli äs anders körperlichs liide…
We du au weisch gohts mir au psychisch nid guet… Immer wenn i s‘Gfühl ha es chlinns Schrittli vorwärts gmacht ha… gohts mer churz deno wieder schlechter oder es fühlt sich no schlechter we vorher aa…

Min liäbävolle, barmhärzige Papi
I bitte dich:
– Lehr mi uf mini Gsundheit, mini Chräft Rücksicht z‘neh und au mol mi würkli is Bett oder so zruggzieh um zumindest körperlich wieder gsünder z‘wärdä.
– Hilf, dass entweder die homöopathische Mittel (gseht im Moment hoffnigsvoller us) oder die andere endlich so helfed, dass i mi zumindest stabilisiere.
– Befrei du mi vo mine diverse körperliche Liide.
– Hilf mir i z‘gseh, dass i nid wertlos bi.
– Heil du min falsche Narzissmus, mini Suizidalität und mini Depressione.
– Schänk mer neui Chraft zum kämpfä.
– Segne du alli wo mi im Gebät begleitet, au die uf dere Homepage, und beschenk du sie mit dinere Liebi.

Min liäbävolle, barmhärzige Papi
I möcht dir aber au danke, dass i jetzt en Kolleg becho han, wo uf em Weg us de Depressione use scho es grosses Stuck wiiter isch, mi stärkt, verstoht und sich au getraut öpis z‘sägä (under 4 Auge) wenn ihm öpis uffallt. (Z. B. Dass er Angst heg, dass i i äs Burnout ielaufe chönnt mit mim riese Engagement und em mir ka Ziit für mi z‘neh.)

Dankä min liäbävolle, barmhärzige Papi, dass i mi immer wieder vo neuem a di wändä dörf!

Amen