Klinik

Min liäbävolle, barmhärzige Papi
Morn dörf/mues i i d‘Klinik (Psychiatrie) iträte… Uf di eint Siite hoff i mega, dass mer det grundlegend gholfe werde chann, uf die ander Siite han i aber mega Angst und will überhaupt nid det hi – grad au will i mer mini Chranked nid igestoh will und mer mini Arbet und Usbildig mega wichtig isch… I ha Angst mini Arbet z‘verlühre… I ha, trotz erere super Studiedekanin, Angst, dass mini Usbildig komplett durenand chunnt…

Mim liäbävolle, barmhärzige Papi
I bitte dich:
– loh mi nomol chli erholsame Schlof becho.
– Still du mini Nervosität und au mini Ängst.
– Schenk mer Zueversicht.
– Schenk mer Lüüt wo i mi, i de Klinik öffne chann und sie mir grundlegend hälfä chönnd.
– Hilf mer s‘Sakrament vo de Chrankäsalbig, wo i hüt empfange dörf würkli als Stärkig i de Schwächi wohrneh z‘dörfe.
– Loh mi mini super Arbetsstell nid verlüüre.
– Hilf allne Beteiligte e Lösig für mini wiiter Usbildig z‘finde, wo i au demit läbä chann.
– Schänk und zeig mer immer wieder neu dini Gegewart.
– No immer möcht i di au bitte „Loh mi stärbä!“ denn mini Zueversicht isch no immer nid vorhande…
– Bitte sorg au sehr guet für mini Vertrauenspersone, wo sich so sehr wünsched, dass i gsund wärdä! Bitte tröst du sie, wenn i s nid schaffe und Schluss mache mit allem… Sie hetet mir nid besser hälfä chönne, we so wie sie s tue hend! Lueg bitte so oder so guet uf sii! Sie sind unbezahlbar!
Amen