Konfliktlösung oder wenigstens Einsicht und Verständnis

Lieber Gott. Ich bitte dich um Kraft, diä bald unerträglich Situation zerträge. Gib mir Kraft und Zueversicht wieter chönne für mi Maa da zi… und ihn zstütze so guet es gaht… gib au ihm Kraft und d Isicht dass er jetzt mal ändlich zu sich luege söll und sin Stolz oder Ehrgiz hinä annestellt.. und sich hälfe laht.
Er ringt so um Annerkännig vo sinä Eltere…. er het immer ghulfe woner het chöne… er het au mit chli Pflichtbewusst si… de Hof übernoh…. sit duä het er kei Tag meh frie… si bekloppti Perfektionismus treit sicher ganz viel dezuä bi, aber au d Erwartigshaltig vo sinere Eltere, träget de Rest däzuä bi… er het eigentlich erkännt, dass er öpis ändere sött, aber das isch nid so eifach…. zumal au Unverständnis vo sinä Eltere da isch…. vorallem sini Muetter het s Gfühl, das si im Läbe z kurz cho isch, dass mir de Hof zgünstig übercho hend…. es git ständig Rieberiä , redä gaht nid, mer schlaht sich de numme nu Vorwürf um d Ohre… und staht zämä schaffe, wird gli numme nu z Leid gwärchet…. ich weiss zum Stritä ghöret nu öpe zwei dezuä, aber da hani jetzt langsam s Gfühl, dass d Sturheit oberhand nimmt…. und öpert debi kaputt gaht… nämlich mi Maa und Vater vo sinä zwei Chind… und ich fühl mich machtlos und cha nid hälfe…. jede Versuech Verständnis und Isicht herbi zfüähre schiteret und machts nurnu schlimmer…. hilf üs…. so wahrs du oh Herr Gott willsch…. glg