Hilf für min super Mitstudent

Min liäbävolle, barmhärzige Papi
Ich bitte dich hüt für en super Mitstudent, wo mir gesundheitlich en Hoffnigsschimmer und es Vorbild (gsi) isch.
Au wenn i nid weiss, was ihm fehlt oder was de Uslöser für di jetztig Situation isch, mach i mer grossi Sorge um ihn. Denn de Zuestand we i ihn gester atroffe han isch sehr bedenklich…
Ich bitte dich:
– Schenk ihm d‘Chraft und Isicht, wenn nötig Hilf vo usse in Aspruch zneh.
– Hilf ihm wieder gsund z‘werde.
– Schenk ihm d‘Gwüssheit, dass mir, sini Studiekollege und Fründe, für ihn do sind.
– Schenk sinere Frau Chraft de Zuestand vo de Ohnmacht usz‘halte.
– Schenk sim beste Studiekolleg, um de i mir au immer wieder Sorge mache, ganz viel Chraft ihn z‘begleite und aber trotz de grosse Belastig nid is trinke z‘verfalle…
– Bis du eifach do für ihn, sini engste Lüüt und alli wo ihm verbunde sind.
Amen