Unsicherheit

Unsicherheit

Min liäbävolle, barmhärzige Papi
We du weisch ghör i im Moment au zu de gsundheitlich, agschlagne Lüüt, wo sich vo de anderne Mensche fernhalte setet… (I ha ka Corona!) Mich belastet aber vor allem weli Angst i bi gwüssne Lüüt usglöst ha und we sehr i geg min eigne Wille, aber us Verständnis doch sehr schnell zum Arzt gange bi um abz‘klärä was mer fehlt. I ha grossi Angst becho i heg es paar vo de mir wichtigste Mensche chönnte agsteckt ha! Do het i e mega schlechts Gwüsse gha!

Ich bitte dich für alli:
– wo weg jedem Hüästlä, Schnütze, heisere Stimm etc. grad total verunsicheret sind.
Bitte führ du die Angst, Unsicherheit i di richtige Bahne.

– wo e „normali“ Gripp oder Vercheltig hend:
Bitte loh sie di tödliche Blick im Zug etc. erträge und schenk ihne vor allem d‘Möglichkeit sich voll und ganz usz‘kuriere.

– für alli wo am Corona-Virus erchrankt sind:
Loh sie sich nid als Ussätzigi aluege oder sich grossi Vorwürf mache, sondern stärk ihri Chräft und loh sie voll und ganz gsund werde!

Amen


Andrea

Hinterlassen Sie einen Kommentar