Konsequenze weg em Coronavirus

Min liäbävolle, barmhärzige Papi
De Corona-virus het d’Welt im Griff. I vielne Pfarreie nid nur i de Schwiiz wird d’Zahl vo de Gläubige wo a erere Eucharistiefiir dörfed teilneh igschränkt oder sie falled grad komplett us.

I bitte dich:
– für alli Chranke: träg du ihres Liide mit, loh sie, wenns din Wunsch isch, gsund werde. Zeig ihne bitte au i dere Situation vo de körperliche Schwächi dini Gegewart.

– für alli Ärzt und Pflegepersone: stärk du sie i dere bsunders usefordernde Situation, loh sie die richtige Entscheidige treffe. Bis au du de Arzt, wo helfe cha.

– für üs alli: Hilf üs mit dere Situation d’Schlag cho und nid i Panik verfalle. Loh üs vo dem Virus verschont bliibe.

Amen