Guätä Gott
Unglaublich we sehr du mi bi mine Prüefige unterstützt hesch! Unglaublich weli Note, dass i ha dörfe becho! I channs chumm glaube! Danke vielmol! Danke, dass mi d’Gebätsgmeinschaft aber au mini Früünde so im Gebät unterstützt hesch! Dankä, dass du au mine Fründe so guät hilfsch!
DANKÄ!!!

Veröffentlicht von: Petra Hug

Gott sei grossen Dank, Lob und Ehre!!
Vielen Dank für eure Gebete. Mein Vater wurde wieder gesund.

Veröffentlicht von:

Min liäbävolle, barmhärzige Papi
Dankä für dis hütigi Wirke i mim Läbä!
Dankä für da sehr ermutigendi Gspröch mit mim fachliche Vorgsetzte!
Dankä für die überaschendi Möglichkeit i de Obigmess vor em usgsetzte Allerheiligste d’Chrankesalbig z’empfange! Dankä für de Weg noch vorne, wo i immer direkt uf die zulaufe ha dörfe und min Blick nur uf dir het dörfe si! Dankä für das tüüfi Gfühl vo guätem Schmerz (i ha immer no ka Wort defür), wo alles i mir zämäziäht, i dem Moment, wo de Pfarrer mir d’Händ uf de Chopf gleit und für mi um de Hl. Geist bätät hät! Dankä für die Stärchig i de Schwächi, wes min geistliche Begleiter immer seit! Dankä für da Gfühl vo Wärmi und Agnosi, wo i grad i mir empfinde dörf!
Dankä für de Wunder-Volli Obig!

Min liäbävolle, barmhärzige Papi
Mir wüssed beidi, dass d’Chance, dass i morn oder chli spöter i e Tüüf fall sehr gross isch… I bitte dich loh da Gfühl vo de Heilig möglichst lang i mir ahalte und vertrieb du die negative, destruktive Gedanke us mim Chopf und mim Härz!

Amen

Veröffentlicht von: Andrea

DANKE für alle Gebete! DANKE für alle Kraft von Dir, Du guter GOTT!
Mein Mann ist von seiner schweren Krankheit ziemlich genesen. Darüber freut sich die ganze Familie. Die Folgen der Behandlung wird er zwar noch lange spüren. Geduld ist deshalb immer noch gefragt, doch die schwierigste Zeit ist überstanden. DANKE!

Veröffentlicht von:

Min liäbävolle, barmhärzige Papi
Hüt vor genau 5 Johr ha i dörfe d’Taufi im Hl. Geist am Festival Welcome to Paradise vo de Gmeinschaft Chemin Neuf empfange. Krass! Demit han i s’Stüürrad vo mim Läbä Gott übergeh. Es isch also e Lebensübergob gsi.
Dankä, dass du damols mini Füess eifach hesch loh d’Bühni laufe und anechnüle.
Dankä, dass damols d‘ Sr. Alexandra und d’Eva für mi bätät hend und de wunderschöni Text Mt 5,13-16 zur Sproch cho isch.
Dankä, dass i das Jo jedes Johr mit mim Läbäsvertrag uf e Art erneuere mues/dörf, au wenns mer sehr schwer fallt.
Dankä, dass i sit do immer wieder ganz bsunders dini Gegewart gspüre dörf.
Dankä, dass mir de Tag zwor immer no wie en Traum, völlig unwürklich vorchunnt, aber au es Schriftstück und e chlins Zügnis wo i mit minere Handschrift gschriebe han existiert, wo irgendwie au en Bewiis für d’Echtheit vo dem wundervolle Obig isch.
Dankä, dass i damols e wunderschöni Freud, Geborgeheit und Freiheit ha empfinde dörfe, wo i vorher und au nochher niemals wieder so erlebt han.

I bitte dich, begleit mi wiiterhin uf dem Weg und loh mi immer wieder neu dini Gegewart erfahre.

Amen

Veröffentlicht von: Andrea