Gebät für d‘Beziehig zu de Muetter vo mine Gottichind

Min liäbävolle, barmhärzige Papi

I vermiss mini Gottichind mega, leider gits zwüsched de Muetter und mir grad ziemlichi Differenze…

Jetzt sind 3 Wuuche vergange und i will e Ussproch mit de Muetter und au mini Goldschätz wieder gseh… Aber bis jetzt het sie no kan Vorschlag gmacht… i bi mega truurig..,

Du, min liäbävolle, barmhärzige Papi weisch, dass mir diä Familie unendlich viel bedüütet, mi di momentan Situation sehr mitnimmt und i aber jede Tag defür bete, dass es de ganze Familie guät goht! Au wenn i so gärn wieder dezue ghöre möcht…

Bitte sorg du defür, dass mir de Konflikt endlich usdiskutiere chönnd! Schänk üs defür Chraft, guäts ufenand igoh und lose was d‘Bedürfnis vom andere sind.
Bitte beschütz und segne du diä Familie und bitte loh mi mini Gottichind mol wieder gseh! Äs verrisst mi fascht, so sehr vermiss i sie!!!

Amen