Wo willsch du mi ha?

Min liäbävolle, barhärzige Papi
We du weisch han i gest wieder en Rückschlag uf mim Weg istecke müese, wo mi grad wieder ziemlich i die destruktive Gedanke gworfe het. Dass hüt öpis, wo unbedingt het sölle schön werde, dur e Handlig vo erere Person zerstört worde isch, wo i sogar no druf higwiese han, het mi grad no meh i d’Tüüfi zoge… I ha mer sooooooooo müeh geh! Jetzt bin i voll truurig, hässig, hoffnigslos…
I bitte di, min liäbävolle, barmhärzige Papi, zeig mir de Weg, wo du für mi vorgseh hesch und loh ihn mi au entdecke und gib mir d’Chraft, dass i ihn goh… I will doch endlich mol wüsse, wo da alles hiführe söll… Befrei mi vo dene destruktive Gedanke, wo sich i mi inebohred… Loh mi zumindest noch usse stark erschiene, au wenns innerlich grad voll düster isch…
Amen