Neuafang

Min liäbävolle, barmhärzige Papi
Obwohl i di so liäbävoll und persönlich ared isch üsi persönlichi Beziehig mol wieder nid würkli vorhande gsi… Dankä, dass du mir d’Chance gisch die Beziehig neu z’starte. Dankä fürs Sakrament vo der Bicht. Dankä fürs Gspröch mit mim Geistliche Begleiter.
Ich bitte dich, schenk mer d’Disziplin mi a d’Gebätsziite z’halte und würkli offe z’si fürs Gspröch mit dir. Bitte loh mi würkli neu afange und üsi Beziehig immer meh z’vertüüfe und persönlicher z’gstalte. Schenk mer au a de sehr schwierige Täg Chraft s’Gebät nid z’vergesse/ignoriere. I möcht immer meh uf di vertraue, au dass du en Plan vom Heil für mi hesch.
Amen